25-yanvar kúni Mektepke shekemgi tálim fakulteti tyutorı G.Artıkova "Ziywar" kitapxumarlar dógerek aģzaları menen birge Qaraqalpaqstan Respublikası Málimleme kitapxana orayında Qaraqalpaq ádebiyatınıń klassik shayırı Ájiniyaz Qosıbay ulınıń tuwılģanına 200 jıl tolıwına baylanıslı "Bul dúnyanıń kórki-adam balası" temasında ushırasıw bolıp ótti. QR Ilimler Akademiyasınıń Qaraqalpaqstan bólimi Qaraqalpaq gumanitar ilim-izertlew institutı Qaraqalpaq ádebiyatı tayanısh doktarantları T.Jarimbetova hám D.Pirnazarovalar menen shayır dóretpeleri boyįnsha búgingi kúndegi alıp barılıp atırģan ilimiy miynetler haqqında pikir alıstı. Studentler ózleri tayarlap barģan baģdarlamasın ushırasıw qatnasıwshılarına usındı.

"Baslawısh tálimdi kompetenciyalıq shólkemlestiriw: Teoriya hám ámeliyat" atamasındaǵı onlayn xalıqaralıq ilimiy teoriyalıq konferenciyasında "Tárbiyanı texnologiyalastırıw mashqalası" temasında konferenciyada óz bayanatları menen belsene qatnastı.

Docent, A.Bekimbetova Termiz mámleketlik universitetinde shólkemlestirilgen "Baslawısh tálim processine innovacion jandasıw" atamasındaǵı Respublikalıq ilimiy-ámeliy konferenciyasınıń plenar májilisinde bayanat isledi.